Fundargerð 48. fundar Loftslagsráðs
Yfirlit
2
3

27. janúar 2022

Mætt: Halldór Þorgeirsson, Brynhildur Davíðsdóttir, Ragnhildur Freysteinsdóttir, Hildur Hauksdóttir, Hrönn Hrafnsdóttir, Unnsteinn Snorri Snorrason, Sigurður Loftur Thorlacius, Auður Alfa Ólafsdóttir, Brynhildur Pétursdóttir, Árni Finnsson, Guðfinna Th. Aðalgeirsdóttir, Steingrímur Jónsson og Aðalheiður Snæbjarnardóttir. 

Gestir fundarins: Gestir fundarins undir lið 2 voru Guðlaugur Þór Þórðarson, ráðherra, Sigríður Auður Arnardóttir, ráðuneytisstjóri og Halla Sigrún Sigurðardóttir, skrifstofustjóri skrifstofu loftslagsmála. 

Fundurinn var haldinn í fjarfundi á Teams kl. 14-16.15. Guðný Káradóttir verkefnastjóri skráði fundargerð. 

Fundargerð síðasta fundar

Fundargerð 47. fundar var samþykkt.

Áherslur og nálgun að verkefnum fram undan 

Fundurinn var helgaður innra samtali meðal ráðsmeðlima til að stilla saman strengi varðandi áherslur og nálgun að mikilvægum viðfangsefnum fram undan með það að markmiði að hafa sem jákvæðust áhrif til vors.

Þrjár kynningar voru áður en að umræðum fulltrúa kom. 

Fyrir fundinum lá uppfærð samantekt um millilandasamgöngur. Verkefnastjóri og undirbúningshópur að viðburðinum Samtal og sókn, þar sem fjallað verður um millilandasamgöngur, kynntu stöðu undirbúnings og það helsta sem fram kemur í samantektinni. 

Varaformaður kynnti þá aðferð sem beitt er við útreikning á hlutdeild Íslands í sameiginlegu markmiði með Noregi og ESB um 55% samdrátt í losun gróðurhúsalofttegunda til ársins 2030. Einnig var fjallað um sjálfstætt markmið Íslands um 55% samdrátt í losun sem boðað var í nýlegum stjórnarsáttmála.   

Formaður var með kynningu á fyrsta hnattræna stöðumatinu (Global Stocktake eða GST) undir Parísarsamningnum sem mun ljúka í lok næsta árs á COP28. Það mun m.a. byggjast á 6. matsskýrslu IPCC en framlag 2. og 3. vinnunefndar IPCC verða lögð til samþykktar aðildarríkjanna í febrúar og mars nk. Fyrir fundinum lá yfirlit með dagsetningum á útkomu skýrslna frá IPCC árið 2022.

Umræður um viðfangsefni ráðsins og áherslur. 

Önnur mál

Ábending kom fram um villandi orðalag við kynningu á kolefnisbindingu tveggja fyrirtækja þar sem vísað er í kröfur Loftslagsráðs. Verkefnastjóra var falið að hafa samband við viðkomandi aðila sem að verkefnunum koma og leita skýringa á hvað átt er við. 

Umræða um Janúarráðstefnu Festu sem haldin var fyrr um daginn og áhugaverð erindi erlendra fyrirlesara.

Deila á facebook
Deila á X
Deila á Linkedin

Fréttir

Málþing um stjórnun loftslagsmála og hlutverk loftslagsráða

Umhverfis-, orku- og loftslagsráðuneytið og Loftslagsráð boða til málþings um stjórnun loftslagsmála og hlutverk loftslagsráða. Á málþinginu verður fjallað á fræðilegan hátt um stjórnun loftslagsmála (e. climate governance) og hlutverk...

Breytingar á Loftslagsráði í undirbúningi hjá umhverfis-, orku- og loftslagsráðuneytinu

Í minnisblaði sem Guðlaugur Þór Þórðarson umhverfis-, orku- og loftslagsráðherra kynnti á dögunum fyrir ríkisstjórninni kemur fram að hann hyggst þróa og efla Loftslagsráð svo það geti sinnt lögbundnu...

Uppgjör Loftslagsráðs

Loftslagsráð lýkur senn fjögurra ára skipunartíma sínum. Af því tilefni lagði ráðið mat á þann árangur sem náðst hefur, eða ekki náðst, síðustu fjögur árin í viðureigninni við loftslagsvá hérlendis og gaf út í skjali er nefnist: Uppgjör...

Tölum skýrt og verum hreinskilin til að vita hvar við stöndum

Á Loftslagsráðstefnu Sameinuðu þjóðanna, COP28, í lok þessa árs verður í fyrsta skipti kynnt svokallað stöðumat heimsins, eða global stock take. Stöðumatinu er ætlað að gefa nákvæma mynd af því hvar þjóðir veraldar eru staddar þegar kemur að...

Bráðnun jökla að aukast

Samkvæmt niðurstöðum nýrrar alþjóðlegrar rannsóknar hafa jöklar á Suðurskautslandinu og á Grænlandi bráðnað mun hraðar á undanförnum áratugum en áður var talið. Árleg bráðnun jöklanna hefur sexfaldast frá 1992 og sjö verstu árin hvað varðar...

Hlýnun stefnir yfir 1,5 gráðu mörkin á næstu árum

Fjármálaáætlun fyrir árin 2024-2028 hefur nú verið kynnt. Hún hefur að geyma áætlun um þróun ríkisútgjalda og tekna, og þar eru lagðar á borðið þær áherslur sem einkenna skulu umsvif hin opinbera á komandi árum. Áætlunin er byggð á spálíkönum sem...

Áform um alþjóðlegt vöktunarnet á losun og bindingu GHL

Nýjasta talan yfir magn koltvísýrings í andrúmsloftinu, þegar þetta er skrifað, er 424,32 ppm. Sú tala þýðir að af hverjum milljónum einingum í andrúmsloftinu eru 424,32 koltvísýringur. Talan er fengin frá rannsóknarstöðinni í Mauna Loa í Hawaii,...

Góð dæmi um réttlát umskipti – Ný skýrsla

Með því að gera ráð fyrir þjálfun starfsfólks og að því sé gert kleift að beita nýrri tækni og höndla nýjar áskoranir er hægt að auka líkurnar á því að loftslagsaðgerðir skili árangri til langs tíma. Þessa ályktun má draga af nýrri skýrslu UN...

Binda einhver ríki meira kolefni en þau losa?

Alls hafa 93 lönd í heiminum, samkvæmt Climatewatch, lýst því yfir formlega að þau stefni að kolefnishlutleysi. Ísland er á meðal þeirra tuttugu landa sem hafa bundið slíkt markmið í lög, en Ísland skal verða orðið kolefnishlutlaust samkvæmt lögum...

Hitastig sjávar og loftslagsbreytingar

Meðalyfirborðshiti sjávar á jörðinni hefur aldrei mælst jafnhár og nú í apríl, eða 21,1 gráða. Þar með hefur metið verið slegið frá því í mars 2016, en þá mældist hitinn 21 gráða. Mælingar undanfarinna áratuga hafa leitt í ljós að hitastig sjávar...