Fundargerð 10. fundar Loftslagsráðs

Yfirlit

10. apríl 2019

Mætt: Halldór Þorgeirsson, Brynhildur Davíðsdóttir, Sigurður Eyþórsson, Ragnhildur Freysteinsdóttir, Árni Finnsson, Jóhanna Harpa Árnadóttir, Pétur Reimarsson og Hrönn Hrafnsdóttir. Steingrímur Jónsson sótti fundinn í fjarfundarbúnaði.
Forföll boðuðu Sigurður Ingi Friðleifsson og Guðfinna Aðalgeirsdóttir.

Anna Sigurveig Ragnarsdóttir starfsmaður ráðsins sat fundinn og skrifaði fundargerð.

Fundargerð seinasta fundar

Fundargerð seinasta fundar var samþykkt án athugasemda.

Landsskipulagsstefna – Loftslag, landslag, lýðheilsa

Kynning á landsskipulagsstefnu – Ester Anna Ármannsdóttir, Skipulagsstofnun kynnti vinnu sem fram fer um þessar mundir hjá stofnuninni. Hafin er vinna við gerð viðauka við gildandi landsskipulagsstefnu þar sem mótuð verður nánari skipulagsstefna um loftslagsmál, landslag og lýðheilsu.
Fyrir liggur greinargerð um hvernig fyrirhugað er að standa að mótun stefnunnar og var hún til kynningar til 8. apríl sl.
Vinna við gerð stefnunnar fer fram næstu mánuði og er áætlað að hún verði tilbúin til kynningar og afgreiðslu á vormánuðum 2020.
Nánar um stefnuna: https://www.landsskipulag.is/um- landsskipulagsstefnu/frettir/gerd-landsskipulagsstefnu-um-loftslag-landslag-og- lydheilsu
Umræður og næstu skref
Loftslagsráð mun fylgjast með framvindu mála, stefnt er að því að Loftslagsráð komi að málinu á einhverjum tímapunkti.

Stjórnsýsla loftslagsmála

Ráðið ræddi um stjórnsýslu loftslagsmála og var sammála um að leggja fram tillögur er lúta m.a. að rýni áætlana stjórnvalda til ráðherra. En skv. Stjórnarsáttmála er stefnt að því að allar áætlanir stjórnvalda séu rýndar m.t.t. loftslagsmála.
Stefnt er að því að tillögurnar verði tilbúnar frá ráðinu á lokafundi þess í lok maí.

Aðlögunaráætlun

Skipulag málþings

Dagskrá málþingsins er í vinnslu og verður vonandi tilbúin fljótlega eftir páska. Unnið er að því að fá erlenda fyrirlesara á málþing fyrir hádegi. Eftir hádegið verður vinnustofa þar sem þeim sem vinna að verkefnum sem tengjast aðlögun að loftslagsbreytingum verður boðið til samráðs.

Önnur mál

Loftslagsstefna stjórnarráðsins

Kynnt var loftslagsstefna stjórnarráðsins sem var samþykkt 9. apríl. Tilgangur hennar er að draga markvisst úr áhrifum vegna losunar af starfseminni, vera til fyrirmyndar fyrir stofnanir og fyrirtæki, miðla árangri og hafa þannig bein og óbein áhrif á framfylgd loftslagsskuldbindinga landsins. Stjórnarráðið mun skv. stefnunni draga úr losun um 40% fyrir árið 2021.
https://www.stjornarradid.is/verkefni/umhverfi-og- natturuvernd/loftslagsmal/loftslagsstefna-stjornarradsins/

Fundur norrænu umhverfisráðherrana í morgun.

Formaður loftslagsráðs tók þátt í fundinum og fylgdist með umræðum um kolefnishlutleysi. Þar var mikil áhersla á að ekki sé ráðlegt að leita samstöðu einhverja eina leið að kolefnishlutleysi. Það væri styrkur í fjölbreytileika í nálguninni.
Einnig var lögð áhersla á hvernig löndin gætu lært hvort af öðru.
Mikill áhugi á að ná til atvinnulífsins og nýta þeirra krafta í átt að lágkolefnishagkerfi. Mikil vilji er til samstarfs um náttúrulegar lausnir í loftslagsmálum. Fundi slitið kl. 16.00

Fundi slitið kl. 16:00

Fréttir

Málþing um stjórnun loftslagsmála og hlutverk loftslagsráða

Umhverfis-, orku- og loftslagsráðuneytið og Loftslagsráð boða til málþings um stjórnun loftslagsmála og hlutverk loftslagsráða. Á málþinginu verður fjallað á fræðilegan hátt um stjórnun loftslagsmála (e. climate governance) og hlutverk...

Breytingar á Loftslagsráði í undirbúningi hjá umhverfis-, orku- og loftslagsráðuneytinu

Í minnisblaði sem Guðlaugur Þór Þórðarson umhverfis-, orku- og loftslagsráðherra kynnti á dögunum fyrir ríkisstjórninni kemur fram að hann hyggst þróa og efla Loftslagsráð svo það geti sinnt lögbundnu...

Uppgjör Loftslagsráðs

Loftslagsráð lýkur senn fjögurra ára skipunartíma sínum. Af því tilefni lagði ráðið mat á þann árangur sem náðst hefur, eða ekki náðst, síðustu fjögur árin í viðureigninni við loftslagsvá hérlendis og gaf út í skjali er nefnist: Uppgjör...

Tölum skýrt og verum hreinskilin til að vita hvar við stöndum

Á Loftslagsráðstefnu Sameinuðu þjóðanna, COP28, í lok þessa árs verður í fyrsta skipti kynnt svokallað stöðumat heimsins, eða global stock take. Stöðumatinu er ætlað að gefa nákvæma mynd af því hvar þjóðir veraldar eru staddar þegar kemur að...

Bráðnun jökla að aukast

Samkvæmt niðurstöðum nýrrar alþjóðlegrar rannsóknar hafa jöklar á Suðurskautslandinu og á Grænlandi bráðnað mun hraðar á undanförnum áratugum en áður var talið. Árleg bráðnun jöklanna hefur sexfaldast frá 1992 og sjö verstu árin hvað varðar...

Hlýnun stefnir yfir 1,5 gráðu mörkin á næstu árum

Fjármálaáætlun fyrir árin 2024-2028 hefur nú verið kynnt. Hún hefur að geyma áætlun um þróun ríkisútgjalda og tekna, og þar eru lagðar á borðið þær áherslur sem einkenna skulu umsvif hin opinbera á komandi árum. Áætlunin er byggð á spálíkönum sem...

Áform um alþjóðlegt vöktunarnet á losun og bindingu GHL

Nýjasta talan yfir magn koltvísýrings í andrúmsloftinu, þegar þetta er skrifað, er 424,32 ppm. Sú tala þýðir að af hverjum milljónum einingum í andrúmsloftinu eru 424,32 koltvísýringur. Talan er fengin frá rannsóknarstöðinni í Mauna Loa í Hawaii,...

Góð dæmi um réttlát umskipti – Ný skýrsla

Með því að gera ráð fyrir þjálfun starfsfólks og að því sé gert kleift að beita nýrri tækni og höndla nýjar áskoranir er hægt að auka líkurnar á því að loftslagsaðgerðir skili árangri til langs tíma. Þessa ályktun má draga af nýrri skýrslu UN...

Binda einhver ríki meira kolefni en þau losa?

Alls hafa 93 lönd í heiminum, samkvæmt Climatewatch, lýst því yfir formlega að þau stefni að kolefnishlutleysi. Ísland er á meðal þeirra tuttugu landa sem hafa bundið slíkt markmið í lög, en Ísland skal verða orðið kolefnishlutlaust samkvæmt lögum...

Hitastig sjávar og loftslagsbreytingar

Meðalyfirborðshiti sjávar á jörðinni hefur aldrei mælst jafnhár og nú í apríl, eða 21,1 gráða. Þar með hefur metið verið slegið frá því í mars 2016, en þá mældist hitinn 21 gráða. Mælingar undanfarinna áratuga hafa leitt í ljós að hitastig sjávar...